"Hat-Trick" ya Ronaldo yafashije Portugal kugera ku mukino wa nyuma wa UEFA Nations League 2019-AMAFOTO

Ronaldo yafunguye amazamu ku munota wa 25’ w’umukino yungamo ikindi ku munota wa 88’ mbere yo gushyiramo ikindi ku munota wa 90’ akuzuza ibitego bitatu (3) wenyine mu mukino (Hat-trick).

Igitego rukumbi cy’u Busuwisi cyatsinzwe na Ricardo Rodriguez ku munta wa 57’ hitabajwe VAR mu mukino wakiniwe ku kibuga cya Estádio do Dragão muri Portugal ku mugoroba w’uyu wa Gatatu tariki ya 5 Kamena 2019.

UEFA Nations League ni irushanwa rihuza amakipe 55 y’abanyamuryango b’impuzamashyirahamwe y’umupira w’amaguru ku mugabane w’u Burayi (UEFA) ahanini bakaba bagamije gushaka amakipe azitabira imikino ya nyuma ya UEFA iri hafi ikaba izaba mu 2020.

Cristiano Ronaldo yongeye kwigaragaza imbere y'abafana 

Portugal yageze ku mukino wa nyuma igomba gutegereza ikipe iva hagati y’Abongereza n’u Buholandi, umukino uteganyijwe ku mugoroba w’uyu wa Kane saa mbili na 45’ (20h45’) ku kibuga cya Estádio D. Afonso Henriques muri Portugal.

Umupira uteretse wa C.Ronaldo wabyaye igitego 

Abasuwisi bahawe penaliti nyuma yuko VAR igaragaje ko bakoreweho ikosa mu rubuga rw'amahina 

Cristiano Ronaldo amaze guha igihugu intsinzi

PHOTOS: DailymailOnline